No Parque Municipal conxúganse harmoniosamente descanso, tranquilidade, salubridade e beleza natural. Bordeando a marxe esquerda do río Arenteiro, as súas 32 hectáreas de arboredo, prazas, avenidas e camiños esténdense, ao longo, dende o Gran Balneario á Piscifactoría, e ao ancho, dende o río á zona residencial. As súas orixes remóntanse ao ano 1928, cando o Concello decide municipalizar o que ata entón era monte comunal da veciña parroquia de Mesego para transformalo en zona de recreo.

“O Parque foi ideado polo arquitecto de Ourense Conde Fidalgo, que deseñou os planos segundo os que se configurou inicialmente.”
Octavio, Festa do Pulpo
“O Parque é o marco no que se celebra cada segundo domingo de agosto a Festa do Pulpo, a romaxe por excelencia do Carballiño, unha das manifestacións gastronómicas máis populares e renomeadas de Galicia.”
Octavio, Festa do Pulpo