ACTOS @gl

O concello rendeu homenaxe a Argimiro Marnotes Rodríguez pola súa contribución á consolidación da Festa do Pulpo.

O salón de plenos do concello do Carballiño quedouse hoxe pequeño para acoller ás ducias de persoas que asisistiron esta mañá ao acto de homenaxe a Argimiro Marnotes Rodríguez con motivo da 57 edición da Festa do Pulpo.

O alcalde, Francisco Fumega, resaltou que “ao longo dos 57 anos da Festa do Pulpo foron moitas as persoas que contribuiron á súa consolidación e crecemento ata chegar a ser a gran festa gastonómica que é actualmente, probablemente unha das mellores de Galicia e de España. E non cabe dúbida algunha de que una destas persoas é Argimiro Mornotes Rodríguez”.

Fumega dixo que “Argimiro foi un dos grandes impulsores desta festa.Cando ía pola décima edición promoveu que Fernando Sánchez Bella, sendo ministro de Informacion e Turismo, a declarase Festa de Interese Turístico. Foi tamén quen convocou durante varios anos un concurso periodístico para premiar os mellores artículos e reportaxes publicados nos medios de comunicación, o que contribuiu a difundir a festa nos xornais e nas radios. E, sobre todo, contribuiu a que esta festa fose o gran encontro anual da emigración da nosa comarca e de Galicia”.

O rexedor carballiñés engadiu que “sendo alcalde comezaron a dedicarse as diferentes edicións da festa aos centros galegos do mundo, e isto axudou a que a que a Festa do Pulpo comezase a coñecerse fóra de España”.

“Así, pois –dixo Fumega-, son moitos os méritos que avalian este recoñecemento do concello do Carballiño e da Festa do Pulpo a Argimiro Marnotes Rodríguez. Ademáis, non hai que esquecer que, nos primeiros anos da Festa do Pulpo, cando en Galicia había e hai multitude de romarías dunha gran tradición, non era tan doado convencer aos pulpeiros e taberneiros para que estableceran os seus postos no parque municipal. Foi o seu empeño quen propiciou que hoxendía o parque municipal estea absolutamente colmado de postos de pulpo, de tabernas, de bares e de todo tipo de produtos”.

“Por iso que –concluiu Fumega-, pola súa contribución á consolidación desta festa, é polo que lle rendemos hoxe esta homenaxe e lle facemos entrega dunha placa en recoñecemento á súa aportación á Festa do Pulpo do Carballiño”.

A continuación o alcalde fíxolle entrega dunha placa conmemorativa en recoñecemento “á súa
contribución á consolidación e realce da Festa do Pulpo”.

Argimiro Marnotes agradeceu a deferencia e fixo extensible este recoñecementos a todas as persoas que durante os 57 anos de historia da festa puxeron o seu grao de area.
Tamén se referiu ao período no que era complicado conseguir que os bares e os pulpeiros acudisen ao parque municipal, e a que, tras conseguir a declaración de Festa de Interese Turístico na décima edición, non tivese valor máis adiante e houbese que repetir a solicitude de declaración.

Tamén dixo que a partir de 1974, cando Argimiro Marnotes foi elexido alcalde, comezou a promocionar a festa convocando un concurso periodístico na prensa e despois na radio, e a dedicar cada edición aos centros galegos no mundo.

E, finalmente non se esqueceu das ducias de rapaces voluntarios que durante varias edicións colaboraron coa festa servindo no recinto oficial e realizando outras labores de apoio.

O CONCELLO FELICITA Á FAMILIA GONZÁLEZ ATANES POLO PREMIO EUROPEO ACADADO CO PULPO ENVASADO COCIDO AO VAPOR NO SEU XUGO

O PRODUTO “A PULPEIRA” DE FRIGORIFICOS ARCOS RECIBIU DÚAS ESTRELAS DE OURO DO PRESTIXIOSO INSTITUTO “iTQi” EN BRUSELAS

O concello do Carballiño felicitou hoxe á familia González Atanes polo premio á calidade acadado recentemente en Briselas polo produto comercializado pola empresa da súa propiedade, Frigoríficos Arcos S.L., coa marca “A Pulpeira”.

Nun acto presidido polo alcalde, Francisco Fumega, o concello galardoou á pulpería Frigoríficos Arcos cun recoñecemento pola súa labor na expansión do prato principal da gastronomía carballiñesa, o pulpo. O acto contou coa presenza do concelleiro de Turismo, Xosé Manuel Dacal, así como dos irmáns Daniel e Camilo González Atanes, propietarios de Frigoríficos Arcos e promotores da marca A Pulpeira.

Fumega resaltou o mérito desta empresa, con máis de cincuenta anos de andaina,  e agradeceu o feito de espallar un prato típico alén das fronteiras, levando sempre como escudo o nome do Carballiño. “i+D+i, innovación e calidade, este é o camiño do futuro”, dixo o alcalde, que se amosou orgulloso de que o parque empresarial do Carballiño acolla unha iniciativa de tanta proxección nacional e internacional.

Pola súa parte, Daniel González Atanes, afirmou que o que pretendían era mellorar os estándares de calidade na elaboración do cefalópodo, e tanto el coma seu irmán, Camilo, coinciden en que o recoñecemento de carácter mundial que tivo o seu produto é todo un orgullo, algo que rebotará en beneficio do Carballiño.

Baixo a marca A Pulpeira, “Frigoríficos Arcos” SL logrou dúas estrelas de ouro nos premios do Instituto do Sabor e Calidade (iTQi), con sede en Bruselas. O xurado deste certame está composto polas asociacións culinarias máis prestixiosas de Europa, como Verband der Köche Deutschelands, a Federación de Asociaciones de Cocineros de España ou os Maitres Culinaire de Francia, entre outros. Dentro delas, podemos atopar chefs da talla de Ferrán Adriá, Mario Sandoval ou Alberto Chicote. Nos premios ó Sabor Superior do iTQi participan empresas de máis de 120 países, como Estrella Galicia, Pascual, Heineken ou Coca Cola.

“Frigoríficos Arcos” SL encárgase de conxugar tradición con innovación. Encabezado polos irmáis Daniel e Camilo González Atanes, teñen moi interiorizada a maneira de cociñar o pulpo propia das pulpeiras de Arcos, que é o que lle introduce a distinción pola que é coñecida a vila do Carballiño. Tendo isto como base, o resto é colleita propia. A marca A Pulpeira renova o mercado coa súa nova maneira de facer: o pulpo cocido ó vapor. O proceso comeza coa materia prima de maior calidade, pasando polo envasado ó baleiro e a cocción ó vapor deste no seu propio xugo, o que se traduce nunha explosión de sabor potenciado grazas á conservación das súas vitaminas, proteínas e sales minerais, mantendo o sabor a mar. Trátase dun produto da maior calidade, que pode conservarse ata 150 días refrixerado e de fácil recuperación no microondas, na grella ou a “baño maría”.

O produto dos irmáns Atanes é resultado de dous anos de investigación e probas en canto a calidade e sabor. Trátase dun prato que é empregado por chefs de toda España, e que se comercializa de maneira internacional, chegando a lugares como Australia, Corea do Sur e Inglaterra.

Actualmente, a produción é de 25.000 quilogramos ao mes, e a venta ao exterior acada xa un 12%.

Nesta ocasión Carballido usando a técnica do Collage (técnica pola que é recoñecido dende hai tempo) creou un cartel no que destaca a imaxen do polbo, verdadeiro protagonista desta romaría gastronómica de fama internacional. A técnica do collage se basa esencialmente en la manipulación de diversos materiales utilizados como materia prima tales como periódicos viejos, revistas, papeles de colores o embalaje, fragmentos de fotos, telas, materiales sólidos, pintura acumulada, etc. Esta técnica en lugar de imitar la realidad compone las obras con trozos de realidad.
No cartel da Festa do Pulpo 2015 Carballido foi colocando distintas capas de azul, simbolizando o mar de donde chega o polbo, tendo no centro un resplandor de luz co que o artista quiso lembrar a luz especial da Coruña, a que se lle adica este ano a festa. Esa luz refelxada nas súas galerías e no mar que a rodea.
Finalmente a composición remata co rabo e a tallada de polbo, o máis siginificativo desta festa e polo que O Carballiño e coñecido nos cinco puntos cardinais.
Sobre a figura da muller, Carballido sinalou que é o elemento surealista, que rompe ca anterior realidade, aunque “esta aberto a todo tipo de interpretacións, para que quen o observa sexa tamén participe da obra dandolle o siginificado a es aparte do cartel”.
Este cartel, del que se fixeron 2000 unidades, está xa repartido por medio mundo, en concreto por todolos centros galegos no exterior, e dende hoxe estará en toda Galicia e comunidades limítrofes.

Este mércores, 15 de xullo, as 12:15 horas, terá lugar a presentación oficial da 53 edicion da Festa do Polbo do Carballiño, na praza de Lugo, da localidade da Coruña (cidade a que se dedica este ano a festa carballiñesa)
No acto de presentación estarán os alcaldes da Coruña e O Carballiño, xunto cos edis de turismo destas dúas corporacións.
O finalizar a presentación terá lugar unha degustación de polbo a feira para todo o presente, preparada polo campión galego de corte de polbo 2015 Francisco Gòmez.

Co obxectivo de seguir incentivando a participación dos xoves na Festa do Pulpo, o Concello do Carballiño establece por décimo sexto ano consecutivo o PREMIO DAS CAMISETAS DAS PEÑAS XUVENÍS.

Participación: Poderán participar todas as peñas xuvenís que o desexen, coas únicas condicións de que teñan 10 compoñentes, como mínimo, e de que as camisetas que elaboren identifiquen por igual a tódolos seus compoñentes. Cada peña deberá presentar no Concello unha das camisetas impresas.

Prazo: O prazo para a presentación das camisetas no Concello finalizará o venres, 8
de agosto, ás 13,30 h.

Xurado: O xurado estará formado por un representante de cada peña. O seu fallo darase a coñecer no acto oficial de recepción das peñas, que terá lugar o sábado, 9 de agosto, ás 20,00 h., na Praza Maior ou no Salón de Sesións do Concello. O xurado valorará tanto o deseño como o lema que figure impreso nas camisetas.

Premios: Establécense dous premios.

Premio o mellor deseño, dotado con 200 Euros para a camiseta que se considere polo xurado mellor realizada.

Premio a peña máis numerosa, dotado con 200 Euros para a peña que se presente con máis membros no acto de saída do desfile.

Tódalas demais camisetas presentadas a concurso polas peñas recibirán unha compensación de 60 Euros, ata un máximo de 92 peñas, segundo orde de inscripción.
Tanto para poder optar ó premio como ás axudas, as peñas concursantes deberán presentarse no acto de saida do 9 de agosto con 10 membros, como mínimo, coas respectivas camisetas postas.