PRESENTACIONS

Presentacion de actividades da festa do pulpo

2019-12-19T10:19:49+01:00PRESENTACIONS|

Una trintena de actividades e espectáculos terán lugar en dez días pola celebración da Festa do Pulpo.

?Concertos, orquestras, actividades de animación de rúa e outro tipo de
atraccións sucederanse desde o venres, 2 de agosto, ao domingo, 11 de agosto, na marco da Festa do Pulpo.

Serán uns días intensos no Carballiño que culminarán coa celebración da 57 edición desta magna romería
gastronómica, que pode ser a última que teña lugar como Festa de Interese Turístico Nacional, para ser Festa de Interese Turístico Internacional.

Así o dixo esta mañá o alcalde, Francisco Fumega, durante o acto de
presentación da festa, ao que asitiron a xefa territorial de cultura e Turismo, Sandra Quintas; os concelleiros de Turismo, Cultura e Medio Ambiente; concelleiros do Partido Popular, e representantes das entidades e empresas patrocinadoras: Abanca, Aceites Abril, Pazo tizón, Apersa, Gadis, Estrella
Galicia, Cer&Ber, Aku Natura e Wether´s Original.

?Entre os principais espectáculos destacan o ciclo de Músicas de Sofá, con bandas internacionais; a Tapa Xigante de Pulpo, o Festival Folclórico
Internacional, Treixadura, a orquestra El Combo Dominicano e a Festa das
Camisetas.

Presentación da Festa Do Pulpo 2019

2020-01-09T10:41:47+01:00PRESENTACIONS|

Esta mañá tivo lugar ás 13,00 Horas na Facenda da Llorea Golf de Xixón a Presentación da Festa Do Polbo 2019 do Carballiño, Ourense, que este ano esta dedicada a Asturias. Abriu o acto a Alcaldesa de Xixón Ana Garcia Rodríguez quen tras unhas breves palabras de benvida á representación Galaica, cedeulla ao Alcalde do Carballiño, D. Francisco Jose Fumega Piñeiro, quen agradeceu encarecidamente aos asistentes a súa presenza ao acto e tras unha breve historia das festa do Polbo, unha das máis antigas e multitudinarias de Galicia, terminou convidando a todos os Asturianos para que o vindeiro domingo día 11 de Agosto acompañémoslles en dita Festa.

Presentación do cartel da LVII FESTA DO PULPO

2019-12-19T10:20:05+01:00PRESENTACIONS|

Presentado o cartel da LVII FESTA DO PULPO

?Foi deseñado por Ari Quintas e representa a simbiose do parque municipal coa tradición pulpeira e a do escanciado da sidra en homenaxe a Asturias, a quen se lle dedica esta edición da festa.

O cartel da LVII Festa do Pulpo do Carballiño xa está na rúa. Dende hoxe, 2.000 carteis comezarán a distribuirse polo Carballiño, Galicia e centros galegos de todo o mundo. Trátase do inicio do ciclo da Festa do Pulpo que culminará o domingo 11 de agosto.

O cartel, que é obra da deseñadora carballiñesa Ari Quintas, foi presentado
esta mañá no concello polo alcalde, Francisco Fumega, e o concelleiro de Turismo, Manuel Dacal, que discuparon a súa ausencia por motivos de traballo.

Francisco Fumega dixo que se trata dun cartel moi fermoso que representa á
perfección a simbiose do parque municipal coa tradición pulpeira e a do
escanciado da sidra, nun claro homenaxe a Asturias, a quen se lle dedica este
ano a festa. Por eso agradeceu o seu compromiso co Carballiño e o seu bo
facer como deseñadora para levar o nome da Festa do Pulpo polo mundo adiante.

Manuel Dacal compartiu este agradecemento e referiuse a presentación da festa o próximo luns en Xixón, con asistencia das primeiras autoridades municipais e autonómicas, así como de persoeiros e medios de comunicación de Asturias. Tamén dixo que a próxima semana íase efectuar a presentación oficial da festa xunto cos patrocinadores e corporación municipal.

A deseñadora Ari Quintas foi tamén a autora do cartel da pasada edición da festa, que tivo un éxito extraordinario, e que por eso se lle encargou o deste ano, que se espera teña tan boa acollida como o anterior.

Festa do pulpo 2018

2019-12-19T10:20:22+01:00PRESENTACIONS|

A 56 Festa do Pulpo intentará repetir o fito de afluencia e consumo de polbo do pasado ano, malia a que nesta edición do 2018, o concello márcase o reto de mellorar a calidade dos servizos, xa que non é moi doado que se superen as últimas cifras de preto de 100.000 persoas e arredor de 70.000 kg de polvo. Así o dixo o alcalde, Francisco Fumega, durante o acto de presentación da festa, que tivo lugar esta mañá no salón de plenos do concello coa asistencia da delegada territoria da Xunta, Mª Sol Díaz; o vicepresidente da Deputación, Rosendo Fernández; o xerente do Inorde, José Manuel Rodríguez; o director de zona de Abanca, Carlos Díez; os concelleiros de Cultura e Turismo, Diego Fernández e José Manuel Dacal, respectivamente, así como os portavoces, concelleiras e concelleiros da corporación, e representantes das entidades patrocinadoras da festa: .Gadis, Aceites Abril, Estrella de Galicia, Pazo Tizón, Apersa, Aku Natura, Hotel Arenteiro e Cer&Ber, e Pan de Cea.

Fumega referiuse á dedicatoria desta edición da festa ao Centro do Carballiño en Bos Aires como un xesto de agradecemento hacia os emigrantes da comarca carballiñesa na capital da Arxentina, e agradeceu a colaboración das institucións, como a Dirección de Turismo da Xunta de Galicia, a Deputación provincial de Ourense e o Inorde, así como de Abanca e os demáis patrocinadores, dos que dixo que sen a súa axuda non sería posible ofrecer un programa tan ambicioso como o que se presenta.

Marisol Díaz asegurou que a Xunta de Galicia cre nas festas galegas como un xeito de achegar os recursos naturais, culturais e gastronómicos ao turismo, e por iso forma parte da súa estratexia a promoción dos eventos enograstronómicos como o da Festa do Pulpo do Carballiño. Destacou a tradición dos oficios artesanais das polbeiras e polbeiros como un referente da gastronomía galega e da Festa do Pulpo, e apostou polo turismo de calidade.

“O Carballiño soubo traer ao interior a esencia do mar, e por iso o mellor pulpo do mundo elabórano as pulpeiras e pulpeiros do Carballiño”, dixo o vicepresidente da Deputación, Rosendo Fernández, que se referiu á Festa do Pulpo como “a maior manifestación gastronómica popular de Galicia”. Así mesmo, resaltou o traballo conxunto e de colaboración das institucións con esta celebración.

Carlos Díaz agradeceu a oportunidade como entidade financieira que se lle brindaba para colaborar coa Festa do Pulpo do Carballiño, e fixo fincapé na dedicatoria ao Centro do Carballiño en Bos Aires, como un recoñecemento aos emigrantes galegos na diáspora.

Finalmente, Diego Fernández e José Manuel Dacal desglosaron unha parte do programa cultural e festivo elaborado para a primeira quincena de agosto, e que consta de máis dunha vintena de actividades e de trinta grupos de animación, música, folclore e outro tipo de eventos.

A 56 Festa do Pulpo terá lugar o domingo 12 de agosto, pero o martes 8 de agosto tamén se celebrará a TAPA DE PULPO MÁIS GRANDE DO MUNDO, cuxo reto nesta edición será rebaixar dos 10 minutos o tempo de cortar o polbo para encher o prato xigante, según xixo Manuel Dacal.

Presentación do cartel da festa do pulpo 2018

2019-12-19T10:24:41+01:00PRESENTACIONS|

O cartel da 56 Festa do Pulpo rende homenaxe ao tango con motivo da dedicatoria desta edición ao Centro do Carballiño en Buenos Aires, que este ano celebra o centenario da súa creación.

O cartel é obra da deseñadora gráfica carballiñesa Ari Quintas Núñez, e foi presentado esta mañá nun acto ao que asistiron o alcalde, Francisco Fumega, os concelleiros de Turismo e Cultura, Manuel Dacal e Diego Fernández, respectivamente, o portavoz do grupo municipal do PP, Argimiro Marnotes, e a concelleira do BNG, Sofía García, así como a autora, Ari Quintas.

Unha aceiteira, unhas tesoiras, dúas talladas e un rabo, conformando unha parella de tango sobre un prato de madeira de pulpo, xunto co pimentón, son o elemento central do cartel, que ten unha gran plasticidade e resulta moi significativo desta 56 edición.

“Quixen realizar unha simobiose dunha parella de tango cos aparellos propios das pulpeiras e pulpeiros”, dixo ao respecto a deseñadora Ari Quintas, que se amosou moi honrada por ter a oportunidade de elaborar o cartel da Festa do Pulpo deste ano.

O alcalde, Francisco Fumega, referiuse ao recoñecemento dos emigrantes carballiñeses en Buenos Aires, dicindo que “a festa deste ano se lle dedica ao Centro do Carballiño en Buenos Aires co gallo da celebración do seu centenario, e por iso o cartel deseñado por Ari Quintas Núñez, simboliza dun xeito evidente a simbiose do pulpo co tango, que é un elemento moi significativo de Buenos Aires”.

“É unha idea orixinal que Ari Quintas plasmou dunha maneira moi plástica, e que estou seguro gustará moito no Centro do Carballiño en Buenos Aires. Pero o que é máis importante, creo que gustará tamén aquí, xa que se trata de promocionar a nosa festa máis senlleira e popular, e coido que este cartel terá moi boa acollida en todos os lugares polos que se distribúa, e será un magnífico cartel para difundir a Festa do Pulpo deste ano”, engadiu o alcalde.

Por isto, felicitou á autora do cartel e agradeceu a súa colaboración.

Ari Quintas Núñez, que reside actualmente na Coruña, ten realizado diversos carteis para a Feira da Pepa Loba e as Xociviga, así como para outros eventos culturais e festivos do Carballiño. Neste senso, o alcalde destacou o fondo carballiñesismo da autora, moi vencellada ao barrio de Flores, o cerne da vila.

O cartel comezará a distribuirse a partir de mediados deste mes de xuño.

O Carballiño capital do termalismo galego

2015-07-29T13:25:44+02:00ACTOS @gl, PRESENTACIONS|

Este martes o alcalde do Carballiño, Francisco Fumega, ianuguraba o curso de termalismo e bioloxía, que un ano máis organiza a Universidade de Vigo en terras do Orcellón. O curso, que conta ca participación de alumnos das universiades galegas, foi presentado polo seu director, Avelino Muleiro, acompañado de Luis Rodríguez e Louredes Mourelle. Pola súa banda Francisco Fumega destacou a importancia de levar o termalismo a universidad, de animar os estudiantes a interesarse por esta ciencia que ten en Galicia un referente mundial, e no Carballiño o seu orixen. Non esqueceu o alcalde carballiñés de lembrar as cualidades das augas locais e da ligazón que tivo, dende sempre, O Carballiño ca auga, xa foroa dos seus manatiais mineromediciñais ou dos seus ríos dende onde partiu una boa parte da economía local durante moitas décadas.

O curso desenvolverase no Carballiño ata o vindeiro 31 de xullo, e os alumnos poderán descubrir todalas apliacións do termalismo,c on practicas en centros termais destacados de Galicia como A Toxa, ou o Talaso Atlántico.

Este curso será clausurado o 31 de xullo, as 12:30  horas, pola secretaria xeral de Turismo Nava Castro, que ofrecerá unha conferencia sobre o turismo e o termalismo, e posteriormente fará entrega dos dilpomas acreditativos ós alumnos participantes.

A Coruña abriu as súas portas á Festa do Polbo do Carballiño

2020-01-09T18:09:55+01:00ACTIVIDADES @gl, PRESENTACIONS|

O mercado da Praza de Lugo, na Coruña, acolleu este mércores a presentación da Festa do Polbo do Carballiño, dedicada nesta 53 edición á cidade herculina. O alcalde coruñés Xulio Ferreiro recibía á comitiva carballiñesa, agradecendo o xesto da dedicación dunha das festas gastronómicas máis importantes de Galicia. Ferreiro lembraba a unión que existe entre A Coruña e O Carballiño, cimentada nos veciños dunha e outra poboación, lembraba durante a presentación como el mesmo coñeceu O Carballiño cando rea pequeno, acompañando aos seus pais e avós a tomar as augas da vila do Arenteiro.

Pola súa banda o alcalde carballiñés mostraba o seu agradecemento á corporación coruñesa alí representada polo seu alcalde e o edil de Turismo Alberto Lema, por acoller esta presentación, nun lugar tan emblemático como a praza de Lugo, onde se atopa a Praza de Abastos “e que mellor lugar que un mercado para presentar esta festa, un lugar onde, como na orixe do Carballiño, reúnen os veciños e veciñas para o comercio”, a estes veciños e veciñas da Coruña convidou Francisco Fumega a que acudisen á Festa do Polbo, o segundo domingo de agosto, onde “serán recibidos como sempre, cos brazos abertos e dispostos a compartir unha ración de polbo a feira”.

Tras os discursos chegou o momento de probar o produto estrela, o polbo a feira, que nesta ocasión foi cocido polo campión galego, o carballiñés Francisco Gómez. Todos os presentes encomiaron o sabor do polbo de Ou Carballliño, e aseguraron que non se perderán esta edición da festa.

Entre os numerosos veciños da Coruña que acudiron á cita da Festa do Polbo atopábanse tamén veciños e veciñas do Carballiño, que residen na Coruña, e que tampouco quixeron perderse o saborear unha tallada carballiñesa na cidade herculina, entre estes veciños do Carballiño atopábase, como non podía ser doutra forma Felipe Senén, carballiñés de prol e creador de numerosos carteis da Festa do Polbo durante varias décadas. Carteis que adornaban a citada praza de abastos coruñesa..

A representación Carballiñesa estivo formada nesta presentación polo xa mencionado alcalde da vila, acompañado do edil de Turismo Manolo Dacal, a edil de Benestar Mariña Ortega, e os edís da oposición Argmiro Marnotes, Pilar Caride e Chema Ferreiro.

O Carballiño acolle a preparación do prato de pulpo a feira máis grande do mundo

2020-01-09T18:35:37+01:00PRESENTACIONS|

A asociación de pulpeiros e pulpeiras de Arcos, representada pola súa presidenta Isaura, xunto co alcalde do Carballiño e a edil de Turismo, presentaron unha nova edición da elaboración do prato de polbo a feira máis grande do mundo, que este ano, superando o do pasado ano, medirá 5,10 metros de diámetro. Este acto será o vindeiro martes, 5 de agosto, a partir das 20:00 horas na praza maior, aínda que desde a mañá dese mesmo martes xa estará exposto o prato xigante na mesma praza carballiñesa.
O propio alcalde sinalaba que esta elaboración é un das actividades máis esperadas cada ano ao chegar a semana do Polbo, “e ademais é un escaparate onde se mostra ao mundo enteiro o bo facer e a pericia e calidade das pulpeiras e pulpeiros de Arcos”. A presidenta deste colectivo destacaba que “imos facer a tapa de polbo a feira máis grande, xa que se vai a elaborar como ten que ser, vai ser picada por pulpeiras e pulpeiras profesionais e, o máis importante, nun tempo record, que é o que máis impresiona aos que asisten a este acto”.
O pasado ano picouse e encheu o prato, con 300 quilos de polbo, nuns 12 minutos. Este ano colocarase un cronometro na mesma praza maior, para calcular o tempo que tardan en encher o novo prato de 5,10 metros, con máis de 400 quilos de polbo.
Ao finalizar a elaboración e picado da tapa, repartirase entre os asistentes, estando previsto que se repartan unhas 1200 racións. Ademais tamén se lles entregará un doce de chocolate, doado pola pastelería Royal, pan de Cea e un vaso de viño da adega Pazo Tizón. Todo iso por un importe de 4 euros.