ACTIVIDADES @gl

As Xornadas gastronómicas da Festa do Polbo do Carballiño volverán traer á vila do Arenteiro os concineros máis destacados do actual panorama galego, e este ano contarán como maior aliciente co gañador do concurso televisivo Master Chef Junior, Mario, que realizará unha exhibición de cociña para os nenos da vila, e baseará o seu menú no polbo.
Ademais de mario contarase desde o día de inicio deste xornadas, o 6 de agosto, con nomes como Rafa Centeo, estrela Michelin do restaurante Maruja Limón, ao que acompañará Pablo Vidal director técnico do consello regulador do Ribeiro, para a cata.
O seguinte día, o 7 de agosto, a quenda será para o mellor concinero de Galicia, recoñecido co galardón Cociñeiro do Ano. Diego López, xefe de cociña do restaurante A Molinera de Lalín, e estará acompañado para a cata de Mercedes, presidenta de Vitislucus, embaixadora do Champagne francés, jerez e branco lexítimo.
Por último o día 8 realizarase unha sesión vermut, a cargo dos principais blogueiros orurensanos, e pola tarde será a quenda de Mario.
Todos os talleres serán na praza de Emila Pardo Bazán, a partir das 19:30, salvo a sesión vermut que será ás 13:30 e a cita con Mario, que será ás 19:00.

Os organizadores da III Andaina dá Festa do Polbo quixeron premiar aos primeiros rexistrados na mesma, por iso , aos 125 primeiros rexistrados, nos 5v puntos de inscrición establecidos (deportes Ucha, Hoby Sport, ximnasio Korpore, Masdeporte e Seareiros) agasallaráselles cunha pulseira oficial da Festa do Polbo.
Lembran os organizadores que se poderán inscribir ata o día 2 de agosto como data limite, sendo a andaina o día 3, domingo, con saída ás 9:00 horas desde o Gran Balneario e chegada ao mesmo lugar, tras un percorrido de 18 quilómetros de dificultade media.
A entrega de dorsais, e as pulseiras aos 125 primeiros rexistrados, será a partir das 8:00 do día 3 de agosto no mesmo Blaneario.
Os participantes terán, como recompensa tras a camiñada, un “relaxa pés” para refrescarse, así como o cátering organizado para recuperar as forzas, e a posibilidade de asistir á emisión do programa en directo da Radio Galega “Come e fala”, que se realizará desde o mesmo balneario a partir das 13:00 horas. Tamén se contará con animación en directo e sorteo de agasallos.

O concello do Carballiño acolleu este mércores a xunta de seguridade para a Festa do Polbo, que se celebrará o próximo 10 de agosto no Parque Municipal da vila do Arenteiro. Esta xunta estivo presidida polo subdelegado do goberno e o alcalde do Carballiño, acompañados dos representantes da Garda Civil, Policía Local e Autonómica, 061, Protección Civil, Grumir, e Cruz Vermella.

En total será preto de 90 persoas as que traballasen ese día para velar pola seguridade dos asistentes á festa, calculándose que serán, como mínimo, 70.000 as persoas que asistirán a esta edición.

O mando único deste operativo de seguridade recaerá na figura do alcalde. Os recursos humanos e técnicos para este operativo será o seguinte: 25 garda civís dotados con vehículos e medios precisos para o seu labor, así como 4 gardas civís de tráfico. A policía autonómica participará tamén con axentes e vehículos necesarios para este operativo.

Pola súa banda a policía local achega 15 axentes, así como 5 vehículos policiais. En tarefas de regulación do tráfico e seguridade tamén actuarán 10 voluntarios de Protección Civil, xunto cun técnico, un supervisor, 12 grumires voluntarios, con tres vehículos todo terreo.
Tamén se contará con 5 grumires voluntarios para tarefas de extinción de incendios e salvamento, que contarán cun camión autobomba lixeiro, así como outro pesado e un rural, e un vehículo de altura. Outros 4 grumires voluntarios encargaranse do salvamento e socorrismo acuático, con dúas embarcacións pneumáticas, chalecos.
No que se refire ao apartado sanitario, contarase cun médico especialista en medicina de urxencia, 4 grumires voluntarios, 15 voluntarios de Cruz Vermella, dispoñendo para desenvolver os seus labores cun posto médico avanzado, tres ambulancias asistenciais, equipadas con todo o material preciso para as súas funcións. Habilitarase tamén unha zona no mesmo parque municipal para a aterraxe de helicópteros, no caso de que fosen necesarios.
A todo este operativo hai que engadir os 15 traballadores municipais dos departamentos de obras, electricidade e medio ambiente.

As XOCIVIGA farán o xusto recoñecemento á labor do cine Club “Carballiño” que ininterrompidamente ven desenvolvendo desde 1969, ano da súa creación, sobre todo, como responsable da creación das propias XOCIVIGA e como organizador da maior parte das 31 edicións celebradas nestes 30 anos de existencia.

A xornada dedicada a este homenaxe contará coa presenza de profesionais do audiovisual de Galicia e Portugal e na que será exhibida unha das películas mais sobresaíntes proxectadas naquela primeira edición, ano 1984, o fime de Lauro Antonio “Manhá Submersa”, que causara unha sorprendente sensación e o descubrimento do descoñecido cine portugués.

Lauro Antonio, un clásico da cinematografía lusitana, estará presente para facer a presentación do film e disertar sobre a súa percepción da experiencia de XOCIVIGA e a súa influencia nas relacións e coproducións Galicia-Portugal no eido audiovisual.

O XOCIVIGA convoca 1 concurso con tres modalidades, como se indica no cartaz:

O obxectivo principal desta convocatoria é conseguir a participación e implicación de afeccionados ou profesionais da fotografía e do audiovisual no proxecto que XOCIVIGA pretende desenvolver co fin de promover o entorno do Carballiño como escenario cinematográfico.

O alcalde do Carballiño non desaproveita a oportunidade de reivindicar a Festa do Pulpo e a Octavio, a mascota da devandita celebración. A Octavio, que ata figuraba na iluminación das pasadas festas do Nadal, lévao agora bordado Argimiro Marnotes na súa camisa, ao tempo que tamén fai promoción da festa.
Ver nova La Voz de Galicia

Deixámosvos unha galería do desenvolvemento deste ano do concurso de camiseta da Festa do Pulpo de Carballiño.

[complete_gallery id=”1992″ class=”aligncenter” ]

Celebráronse as xornadas tecnicas gastronómicas sobre o polbo, coa participación de Pepe Solla do Restaurante Solla, Enólogo de Adega Pazo tizón, Antonio Botana, Grupo Nove, Restaurante Pandemonium e Ramón Dacosta.

[complete_gallery id=”2283″ class=”alignnone” ]